尋日係元宵佳節，亦即係中國嘅情人節。

梁永祥出「甜招」送金磚為地產代理打氣，金磚寓意業界「金章專業」。

金磚除咗有朱古力，仲有寫咗內涵句語嘅紙條。

新上任嘅地產代理監管局主席梁永祥就趁尋日應節，大派金磚朱古力，實行政府出辣招，佢出「甜招」為地產代理打氣，佢仲有幾番「情深」嘅說話，需要透過記者同啲代理講喎。

梁永祥尋日大派滿載朱古力嘅「999有福金磚」，雖然金磚係派畀傳媒，但係佢心裏面掛住嘅其實係啲代理，佢話金磚係寓意業界「金章專業」，幫佢向代理們「盡訴心中情」。

啲金磚裏面除咗有朱古力，仲有啲好有內涵句語嘅小紙條。

呢啲句語主要係出自《周易》、《禮記．學記》，甚至連美國已故總統林肯嘅名句都有。代理們，你哋收到冇！

第一手消息請下載on.cc東網iPhone/iPad/Android/Windows Phone Apps