SUN搞作：少膽虫手記：挑逗性行為
「嗯……嗯，我把持唔住喇！」身為一個平日不舉……重嘅男人，有心無力嘅淫賤黎用盡渾身氣力，盡情發洩。尊卑有別，自然就有上下之分，淫賤黎居高臨下，少膽虫緊握雙拳，兩腳直伸，默默忍受屈辱。
「點解？點解你要做啲挑逗性行為？」淫賤黎問。「我幾時有挑逗你？」少膽虫眼泛淚光，心諗︰「獸慾得逞，仲想屈我食死貓？」淫賤黎激動，「你扯行晒旗，大大聲聲嗌『反蝗』，仲唔係『挑逗』我？」唔係啩，咁都叫挑逗？你估你真係土豪講晒咩？
「反蝗一向係《爛果》立場，有乜嘢問題？」少膽虫不服。淫賤黎一聽，似是食髓知味，又想有所行動，「仲講反黃？《爛果》唔走黃色路線，你邊有飯開？」
「腦細，唔係黃色個黃，係蝗蟲個蝗呀！」淫賤黎如夢初醒，「少膽虫你早啲講嘛，咁我啱啱就唔使出盡精力打你一身啦！」
