沙中線延遲通車，李衞得知即去搵運房局局長炳炳問個究竟，只見炳炳一臉坦然，無懼質問。
李衞︰沙中線又要延遲通車？
炳炳︰遲到仲好過無到，係咪？
李衞︰係呀！弊在遲到又要邊個埋單？
炳炳︰講多都煩，你懂的！
（炳炳向李衞攤大手板。）
李衞︰哦，原來如此，我明喇！
（李衞狠狠用尺打炳炳手板。）
炳炳︰哇，好痛！你做乜打我？
李衞︰延遲通車，你難辭其咎，你攤大手板，唔係就係討懲罰咩？
