城中鏡：蜘蛛女籲「童」行慈善路
著名運動員「蜘蛛女」Lisa鄭麗莎係國際培幼會「愛．女孩」行動大使，初為人母嘅Lisa今年亦全力以赴支持培幼會「培您童行」步行籌款2015，體現「家家齊心，傳愛全心」嘅慈善精神，並呼籲大眾藉此機會向孩子以身作則，分享「施比受更為有福」嘅道理。
鄭麗莎（左）
「培您童行」步行籌款於四月十二日喺山頂道花園（山頂廣場外）舉行，而籌集嘅善款將用作改善越南萊州省嘅幼兒教育設施，同埋為非洲加納嘅女童提供教育同職業培訓支援，幫助兩地孩子以知識改變未來。
一向好支持培幼會慈善工作嘅Lisa，喺舊年十月迎接家中新成員之後，對偏遠地區嘅兒童福祉有更深刻嘅感受，佢話︰「運動讓我能夠實踐自己嘅夢想，如今身為母親，更加深切盼望不論身處哪個地方嘅孩子，也能夠活出自己想過嘅快樂人生。但願大家能夠踴躍支持今年的『培您童行』步行籌款，更希望各位爸爸媽媽可以帶同子女一起參與，讓我們的下一代學習做善事幫助別人的快樂同意義！」
