政壇：詩姐買Macaron好爽手

外殼酥脆、入口柔軟略帶黏性嘅法式Macaron，俘虜唔少名媛心。估唔到基本法委員會副主任梁愛詩都迷上呢款小圓餅，有日中午見佢現身中環太子大廈一間馬卡龍專門店，眼目游走餅櫃前七彩繽紛嘅Macaron，「愛」不釋手。詩姐好爽手，話咁快揀咗一大袋，原來係買嚟拜年，頗有心思。講起近日政改三人組對通過政改唔多樂觀，詩姐就耍手擰頭話：「我都唔係政府官員嘞」，佢又話喺商場呢啲環境討論政改唔係幾好，下次請食飯坐低慢慢再傾喎。