有化妝品牌早前邀請咗三位香港時代女性拍攝短片，真情披露佢哋認為自己最獨特美麗嘅時刻。

喺彭秀慧眼中，專注、盡情同快樂嘅女性最美麗。

徐濠縈除咗係時尚教主，仲係馬拉松好手。

馬詩慧話能夠為家人煮一頓美味嘅晚餐，感覺實在又幸福。

徐濠縈可謂係賽道上嘅時尚教主同馬拉松好手，一年征戰嘅國際馬拉松賽事多達八至九個。佢認為做完運動，汗水暴流嗰一刻，就係佢最獨特美麗嘅時刻。馬拉松從來唔係一項容易挑戰嘅運動，偏偏佢最享受以超強意志克服困難後所得到嘅強烈滿足感。佢更希望嘅係能夠將無畏無懼，永不放棄嘅馬拉松精神植根喺女兒心中，讓女兒做一個勇敢堅強嘅人。佢話︰「我嘅信念係除非身體極度不適，否則喺賽道上絕不能停下，一定要走到終點。」

「香港十大名模」馬詩慧成為媽媽後，毫不猶豫回歸家庭，而能夠為家人挑選新鮮食材，再煮一頓美味嘅晚餐，嗰種感覺實在又幸福，就係佢最美麗獨特嘅時刻。十多年嚟，佢一直專心致志將（Love, Caring, Honest, Selfless）等價值觀灌輸畀三個子女，更希望孩子們能把包容之愛代代相傳。

集編、導、演和教四職於一身嘅劇場才女彭秀慧，喺一四年當選「十大傑出青年」。喺佢眼中，專注、盡情同快樂嘅女性最美麗，而佢嘅美麗時刻就發生喺當佢真情地笑至前仰後翻，身邊人充分感受到其快樂嘅時候。佢話︰「作為一個劇場工作者，我哋嘅工作唔只係表演，仲要利用本身擅長嘅溝通技巧感染他人，而我相信感染力有能力改變一個人，甚至係世界！」

第一手消息請下載on.cc東網iPhone/iPad/Android/Windows Phone Apps