城中鏡：羊年雙喜臨門 劉展灝升呢爺爺
新正頭遇上添丁之喜，認真係雙喜臨門。香港工業總會主席劉展灝尋日就開心到飛起，事關佢升呢做爺爺，大仔Gary劉燊濤幫劉家添咗名新成員，BB仔喺中午十二點半出世，重六磅三安士，母子平安。
劉燊濤上載同太太Daphne及BB仔嘅溫馨合照。（互聯網圖片）
劉展灝（左）踏入羊年即升呢做爺爺。（資料圖片）
Gary急不及待喺社交網站公布好消息，仲上載同太太Daphne及BB仔嘅溫馨合照。
Gary話佢全程陪伴太太生產，見太太痛到不得了，只能不停幫佢抹汗及撥涼。佢「呷醋」話，BB仔有一對精靈大眼，盡得太太遺傳，好唔抵得靚仔過佢喎。
