能否盡快融入本港生活，心態最重要，有港漂生艱苦適應，亦有如魚得水，「香港與內地肯定很多嘢都唔同，最重要係平常心去看待，多了解、接受，就能喺香港搵到歸屬感。」從廣西來港、就讀中文大學二年級的Jan表示，來港讀書約半年，已經完全適應校園生活。

Jan表示，來港半年後已完全適應本港校園生活。

兩地學生點睇
胡同學（香港）：「內地同學來港讀書前，應了解本港校園文化，先可以適應學習生活。」

兩地學生點睇
鄭同學（廣州）：「我來港前已識廣東話及了解香港文化，先冇適應困難，內地其他同學來港讀書，最好先學好廣東話。」

語言及社交生活，往往都是港漂生壓力的源頭，「呢度始終係香港，用廣東話先方便同其他人溝通，所以要學識，最重要係多講多聽。」Jan與其他同學一樣，修讀大學的一個廣東話課程，半年後，已能說出一口流利廣東話。

盼外界勿誇大衝突

而在社交生活方面，Jan坦言，兩地學生在政治文化有所不同，「始終兩地嘅教育唔同，本地同學較積極，內地同學就少關心社會，最重要係大家討論社會問題後，由自己作出判斷。身邊不少內地朋友正努力融入本港生活，外界不應過分誇大當中衝突。」

第一手消息請下載on.cc東網iPhone/iPad/Android/Windows Phone Apps