城中鏡：何達德解構羊的疑惑

中文博大精深，一個「羊」字，乜都包晒； 但原來「羊」呢種動物對「老外」嚟講，英文可以係「sheep」（綿羊）、「goat」（山羊），又或者「ram」（公羊）。

咁，宏利金融行政副總裁兼大中華區總經理Michael何達德呢位「老外」，對呢堆羊，又有咩見解？Michael話感覺上綿羊就比較鍾意瞓覺（sleepy），但公羊呢就明顯Man啲啦（Masculine），不過佢自己都係鍾意用番「the year of goat」喎。

至於我哋嘅財庫局副局長James劉怡翔就話，歷史上中國大部分羊都係山羊種，所以佢同Michael一樣，都係「the year of goat」嘅粉絲。

其實呢個難題連美國總統奧巴馬都覺困惑，佢上星期同中國同胞拜年時都打趣話：「無論公羊、山羊定係綿羊，反正就祝大家新春快樂啦。」