尋日財爺鬍鬚曾喺立法會宣讀新一份財政預算案,但就唔見人民力量議員「大舊」陳偉業喺會議廳內示威,原來佢身在加拿大,同家人共敍天倫,慶祝六十歲生日。

大舊(後排左三)喺加拿大同家人共敍天倫兼慶祝六十歲生日。

大舊嘅囡囡Eunice除咗為爸爸舉行生日派對外,更加準備咗一個用糖霜製成、印有大舊卡通樣嘅特色生日蛋糕,蛋糕上仲有好多五顏六色嘅星星,加埋啲煙花效果,氹到大舊笑逐顏開,同平時佢在議會個惡樣真係判若兩人。

第一手消息請下載on.cc東網iPhone/iPad/Android/Windows Phone Apps