「打壓呀！我哋畀人打壓呀！」新年流流，就聽到淫賤黎劏豬咁叫，睇嚟今年少膽虫都無運行，「腦細，究竟發生咗乜嘢事？」淫賤黎喊晒咁口，「白公發炎人曾經話點咗名就賣斷市，《爛果》日日畀人點名炮轟，點解都仲有咁多回紙？你話我哋係咪畀人打壓？」

少膽虫真係無言而對，呢個時候，淫賤黎又再開口，「少膽虫，我唔理，你即刻同我搞掂佢！」叫少膽虫搞嘢？就算有心都無力啦！但係腦細開到口，點都要搵啲嘢蒙混過關，少膽虫決定出絕招！

「少膽虫，你隻手做咩喺下面左摷右摷，唔通……」淫賤黎面泛微紅。摷咗一輪，終於……「腦細，我摷到啦！新年就到，咪講啲唔開心嘅嘢，食粒糖先喇。」淫賤黎接過糖果，放入口中，「隻糖幾好味，係乜嘢牌子？」少膽虫答道︰「腦細，能得利嚟o架！」

「少膽虫，唔阻你，你返出去先，我要食糖。」淫賤黎揮手打發，正合少膽虫心意︰「唔阻……你能得你啦！」

第一手消息請下載on.cc東網iPhone/iPad/Android/Windows Phone Apps