SUN搞作:SUN官場現形記:膠人膠事
環境局局長星星忙裏偷閒,巧遇教育局局長吳得掂,期間因為一罐可樂,令兩位局長嚟咗個「常識問答」對話。
吳得掂︰嘩,天氣咁凍,仲飲凍可樂?
星星︰你識條鐵咩,識飲一定飲凍嘅。
吳得掂︰點解呢?
星星︰咁你都唔知,我問你可樂同凍可樂嘅分別喺邊度?
吳得掂︰你真係當我傻咩?咪就係一個唔凍,一個凍囉!
星星︰錯!錯!錯!
吳得掂︰吓?咁都錯,無理由。
星星︰係買可樂係無膠袋;但買凍可樂就有膠袋,既然可以賺個膠袋,梗係買凍o架喇!
吳得掂︰@#$$%$%%^