SUN搞作：少膽虫手記：羔羊育成手記

少膽虫脫去衣衫，「調喇！調喇！調喇！我有畀你調……教o架！一鞭鞭嚟教訓我喇！」初三赤口，少膽虫就同淫賤黎爆罵戰。淫賤黎苦口婆心，「作文作得差，話你兩句就咁寸，話晒今年係羊年，好心你就反省下。」

關羊年乜嘢事？咁都有得講？淫賤黎續道︰「羊年希望你可以有羊嘅特質，包容共濟，一齊為壹全霉努力！」少膽虫有名你叫，蟲點會有羊嘅特質，真係傻的嗎？不過淫賤黎始終都係腦細，點都要畀番幾分面佢，「腦細，我都明嘅，我會改善下，盡量表現出羊嘅特質。」

只見淫賤黎搓弄雙手，「咁就好喇，事不宜遲，依家就嚟喇！」少膽虫聽後一驚，「嚟？嚟乜嘢呢？」頃刻間，淫賤黎狼相乍現，「又係你話成日畀我調教，我依家咪嚟調教你囉！做隻順羊，千祈咪反抗。」

羊年伊始，少膽虫就成為一隻被調教嘅羔羊……