SUN搞作：SUN官場現形記：國之將亡有妖孽？
劉皇叔出巡求籤，孽瘤伴隨左右，豈料麒麟半路殺出，孽瘤為咗皇親國戚決定豁出去，決定同麒麟決一死戰。
孽瘤︰何方妖孽？敢擋皇叔去路！
皇叔︰愛卿，保護我期間都要顧及安全，最緊要自衞！好好保護自己。
孽瘤︰皇叔走難，仍如斯關心我，好，我一定會自衞！（皇叔遁逃，留下孽瘤獨抗麒麟。）
孽瘤︰啊……啊……啊……
皇叔︰自衞之聲響徹雲霄，睇嚟都係凶多吉少。（一披頭散髮者倏地彈至皇叔身旁。）
皇叔︰人？妖？人妖速現真身！
孽瘤︰皇叔係我呀！我畀麒麟撞飛三丈遠……
皇叔︰妖！講呢啲，披頭散髮，你仲點做護「髮」大將軍呀？
