尖沙咀旅遊巴塞爆 運輸署懶理
尖沙咀為本港旅遊熱點之一，近年卻受旅遊巴士阻塞問題影響而令區內交通不時出現混亂。本報於去年九月便曾報道漆咸道一帶旅巴違泊嚴重，惟事隔近半年情況依舊。區議員狠批當局處理欠缺彈性，促開放附近使用量極低的公共運輸交匯處供旅巴暫時停泊，以紓緩泊位緊張情況。
尖沙咀漆咸道南有大量旅巴違泊，即使有四條行車線亦無減交通擠塞情況。
有旅巴司機於車上休息，無視交通燈已轉為綠燈。
陳恒鑌認為旅巴違泊與車位不足有關。
尖東公共運輸交匯處多條線空置，有浪費資源之嫌。
「成條路都泊滿晒旅遊巴，搞到成日都塞車，我都唔明點解佢哋日日係咁泊都冇人理！」陳先生指尖沙咀漆咸道南往海旁方向常有大量旅巴違例停泊，等候到附近景點購物或進餐的旅行團團友歸隊，卻令慢線幾乎癱瘓，情況持續多時一直未有改善，「佢哋根本就當呢度係休息站，啲司機放低啲客就停喺度瞓覺，等到上完客先開車走！」
促開放交匯處暫泊
陳先生又指尖東附近的違泊情況更加嚴重，不滿政府部門視若無睹，「嗰邊得兩條行車線，啲旅巴可以停正喺交通燈位前違泊，就算轉燈都唔理，根本已經唔當違泊係咩一回事。」陳要求當局正視問題。
當區區議員關秀玲指除漆咸道南外，區內不少旅遊熱點皆有同類情況，狠批運輸署未有積極研究改善方案，如考慮開放附近的公共運輸交匯處予旅巴暫時停泊，「嗰個交匯處都仲有好多地方空置咗，如果佢開放埋畀啲旅巴用起碼都放到十幾部車，可以紓緩下附近啲擠塞，但運輸署就唔肯。」
「成個區咁大，可能好邊緣嘅位置係有泊位，但啲人就要喺呢度（景點）上落，所以運輸署要由核心區域去睇，咁先知有冇缺乏車位。」立法會交通事務委員會委員陳恒鑌認為旅巴違泊與車位不足有關，指現時不少區域均有「搵食車」泊位不足問題，「政府有集體運輸政策，即係希望你用多啲公共交通工具，故規劃上都冇考慮到要咁多車位，但依家有供求失衡問題，要諗辦法解決。」
警方發言人稱，去年至今已於上址發出逾二千張定額罰款告票，會跟運輸署研究改善上址的路面設計，以提供長遠的改善措施。
運輸署發言人則說，已不時與旅遊業界開會溝通，呼籲旅巴司機自律，又會繼續與警方及旅遊業界保持聯絡，以改善有關情況。發言人又謂，現時尖沙咀區共有四十三個路旁旅遊巴泊車位，其中六個設於上址。為平衡不同道路使用者需要，暫未有計劃加設旅巴泊位。
逢星期一至五見刊
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
