城中鏡：十二生肖畫展 朱潔儀明年圓夢

早前佢展示其新作羊畫，透露花咗兩個星期，用「厚塗法」畫出細緻嘅羊身，並塗上粉紅色，可愛過人，佢話：「今年特別用油畫刀去畫畫，以厚塗法將中國吉祥圖案勾畫出羊毛嘅形態，前後用咗兩星期先畫好，主調係我最鍾意嘅粉紅色，造型比較可愛趣致，係cute 版生肖畫，希望明年儲齊，可以開個十二生肖畫展啦！」

咁有乜嘢新年願望？佢話：「羊年希望可找到像綿羊一樣對我千依百順、錫我嘅另一半。」外表柔弱嘅佢，笑言朋友同老師都指佢係一個謹慎理智型人，但自言性格樂觀開朗，亦係講道理嘅人。新年祝願大家喜氣洋洋，各人均身體健康。