利園山道：禁區違泊 警懶執法
「地下劃晒影線就即係唔泊得啦，依家反而好似係劃個區畀人做泊位咁，你話係唔係好搞笑？」職業司機陳先生不時駛經銅鑼灣利園山道，指上址不時有車輛違例停泊，影響車輛轉入軒尼詩道，惟多次反映後情況仍未見改善，「同警方講過都唔止一次，但係咁耐都好似冇咩改善。」
利園山道時有車輛違泊，有市民要求警方多加巡查。
警方發言人證實，去年至今年一月中，共接獲八十宗相關投訴，期間共向違例司機發出一百八十四張定額罰款告票。發言人強調一直關注區內交通情況，將繼續密切留意有關情況，並按情況執法。
陳先生直指問題仍然持續，要求警方嚴加執法，早日杜絕違例停泊問題，以保障道路暢通無阻，「我都係揸車搵食，將心畀心咁講句，如果真係抄到牌要畀錢嘅話，咪唔敢亂咁泊囉！」
