城中鏡：做白武士救ATV？ 趙曾學韞：冇時間
名媛趙曾學韞尋晚出席一個慈善晚宴，提到佢發起嘅「一人一股」救亞視行動，以紓緩亞洲電視財困，佢話希望大家盡一點心意，可以問清楚合法程序先再去做，又認為香港人好溫暖。
趙曾學韞收到好多朋友嘅手機短訊，話可以提供物品嚟拍賣籌款。
提到大家對佢有誤解，佢就認為支付員工嘅薪金係首選，但係續牌亦非常重要，之後佢又透露到依家仲未收到錢。
既然佢咁關心亞洲電視，咁佢會唔會選擇做「白武士」嚟拯救亞視呢？但佢就話：「冇時間，同埋我唔係呢個圈內嘅人，我做番慈善會好啲！」
雖然認購股權嘅行動未有任何進展，但趙曾學韞話收到好多朋友嘅手機短訊，話可以提供物品嚟做拍賣，幫吓手籌款，佢之後又強調自己冇私心。
