政壇：每周之星：兜巴星：民航處多醜聞羅崇文應下台

立法會政府帳目委員會經過多場公開聆訊及閉門會議後，前日發表終極報告，以最嚴厲的「痛斥」字眼狠批民航處處長羅崇文，指佢蓄意疏忽職守、無視政府規定、故意向政府及立法會隱瞞自己及民航處的醜行，濫用千萬公帑，將新總部大樓變身「豪華娛樂城」，大樓內嘅淋浴間及電視機數目多如「大浴場」及「電視城」，並設有「卡拉OK房」及「鏡面舞蹈室」，令市民嘩然。帳委會主席石禮謙形容民航處有如「獨立王國」，嚴重程度媲美「貪湯」前廉政專員湯顯明嘅連串貪腐醜聞。話時話，羅崇文出年就退休，可以勁袋一千二百萬元嘅一筆過退休金。犯咗重大錯誤，竟然仲可以擸錢走人，簡直係官場歪風，難怪有委員促請公務員事務局嚴懲羅崇文，要求佢立即下台謝罪喇！