中學教育近年爭議四起，尤其國民教育風波之後，唔少人開始討論香港嘅歷史同國學教育漸少，立法會教育事務委員尋日討論呢個問題，委員會主席林大輝好直接咁質詢教育局局長吳克儉，並要佢表態滿唔滿意現時中史科對學生認識國家及提升國民身份認同嘅成效，吳得掂避無可避，只好坦白咁話，不滿意現時嘅中史科教育，佢認為應該優化，增加趣味性。

不過，吳得掂都話，唔能夠單靠一個學科就提升學生嘅國民身份認同。佢亦談及中史科可以點樣增加趣味性，仲話局方已成立專責小組改善中史科，希望讓學生走出課室，在課堂外認識中史。至於當年國民教育嘅風波，吳得掂聲言佢哋從無擱置國民教育，強調政府只係擱置了國民教育嘅課程大綱，其實不少學校均有推行有關國民教育嘅活動，呢番說話算唔算跌落地仲要揦沙？

第一手消息請下載on.cc東網iPhone/iPad/Android/Windows Phone Apps