犯法遣返僱主埋單
外傭趁假期佔用天橋賣熟食固然要負上法律責任，但僱主亦隨時惹來一身蟻。律師梁永鏗指出，外傭在公眾地方烹調及出售食物，不但違反逗留條件，同時亦干犯香港法律，「個簽證條件只係限於外傭喺僱主住宿地點嗰度做家務，依家咁樣即係無牌小販，因為佢哋唔係香港永久性居民，要交咗罰款之後先會遣返自己國家。」
天橋垃圾堆中發現石油氣樽（紅圈示）。
外傭用爐具煮食時警覺性極高，以雨傘作遮擋。
另聘需再付中介費
香港家庭傭工僱主協會主席羅軍典則稱，倘外傭因違規而被捕及遣返回國，僱主亦會蒙受損失，「個外傭畀人拉咗就要即刻停止合約，咁樣就會突然間冇咗個人幫手，而且無論咩情況，僱主都要出機票錢畀佢返去自己國家。如果搵過第二個外傭，就要畀成九千至萬一蚊中介費，就算平啲嘅印尼傭工，都要起碼六千蚊一次。」
