SUN焦點：小店縱掌「秘方」難突圍
網上出售食店「秘方」種類琳琅滿目，但是否有助創業？創業專家提醒有意創業年輕人，小店與大型連鎖食肆條件相差甚遠，例如入貨成本及營運方法，即使掌握「秘方」，亦未必適合小店。
BOSSible創富者市場總監周騫表示，即使創業者獲得大型食肆的食譜「秘方」，亦未必能調校出相同的味道，縱使味道相近，亦未能跟隨大型機構的營運方法。周指：「就算有連鎖食店入貨資料，搵番同一個批發商，但大型連鎖店攞好多貨，入貨平均價一定低過你，所以呢啲資料唔會有用。」
應累積經驗才開舖
以往食店創業者一般會到其他有名氣的食肆打工「偷師」，累積一定經驗才開舖，周指：「淨係得個配方，但無親身做過，點識得做？要真係落手做過，先會了解整個流程。」另外，因本港甜品或咖啡店甚多，缺乏擴展空間，新入行又要站隱陣腳，必須在甜品或咖啡中加入新元素，「好似甜品舖，近年跑出都係有特色嘅產品，如果用番舊產品，好難突圍。」
