SUN焦點：日租舖多鄰近街市
短期租舖的出現，是由日租舖「進化而成」。有資深地產代理指出，日租舖通常在非旅遊區，「喺元朗、荃灣、大埔等區，有好多日租舖，多數喺街市附近出現，因為嗰度多數係單邊舖，舖位好細，存放唔到好多貨，租客都係即日賣晒啲貨，到晚上收工走人。」美聯高級區域營業董事伍賢明指出，業主將地舖劏開日租，平均呎價可以租貴好多，隨時較長租賺得更多。
市民點睇
張小姐：「旺角短期租約未必幫到年輕人創業，因為租金好貴，最好係長期租金下調。」
盧小姐：「如果旺角有短租舖賣特色商品，我會考慮到旺角行街，買呢啲有特色嘅嘢。」
他又透露，日租舖位對業主及租客都有利，「日租客賣完（貨）就走，唔會畀長約鎖住、又可畀想長租嘅客隨時睇舖。」但他指出，旅遊旺區地舖大多被大公司長租，鮮有業主願意將舖位日租。至於在灣仔等寫字樓地區，由於人流局限於上班及下班時間，難以全日「速賺」，故亦難出現日租舖。
