二十一世紀，凡事講求學歷，今日就有四位應徵者向僱主自報家門。

應徵者A甫開口，「我哈佛畢業……」僱主突然插嘴，「唔會係哈爾濱佛誕大學啩？」應徵者A一臉尷尬，低頭不語。應徵者B見機不可失，搶道︰「行開啦，我就唔同呢！我係『港大』。」恰巧僱主同為港大舊生，「咁啱嘅？我都係讀港大，你邊年畢業？」應徵者B自豪道︰「我最叻吹水，由細講到大，名副其實嘅『講大』！」僱主揮揮手，保安入房抬走生事者。

「咁你呢？」僱主不耐煩。應徵者C全身哆嗦，「我……波……波大！」僱主再向門外保安招手，「又玩嘢？今日發生咗咩事？」保安準備動手之際，應徵者C大叫︰「我波士頓大學畢業，咁都叫玩嘢？」僱主自知中伏，連忙道歉。

僱主向最後一位應徵者D發問，應徵者D不疾不徐，「我蘇大畢業。」僱主深感疑惑，但怕再錯怪好人，「恕我孤陋寡聞，蘇大係？」應徵者D不悅，「咁你都唔識，香港蘇文大學同克萊登大學齊名，唔識就上淘寶喇！」

第一手消息請下載on.cc東網iPhone/iPad/Android/Windows Phone Apps