政壇：淘寶宣傳無人機 「極速拯救大姨媽」

條片係講女主角為紓解經痛，喺淘寶訂購薑茶嘅經過，由於無人機送貨唔受交通情況限制，包薑茶由訂購到成功送達，竟然仲快過主角煲滾水，認真係快捷又方便。點解要用「經痛」同「大姨媽」嚟做宣傳呢？事關內地一家老牌藥店，正正就係服務嘅首個試驗商戶。

講番淘寶呢項無人機送貨，其實係淘寶同內地速遞公司圓通合作嘅試驗項目。服務強調由網上下單至成功送貨，可以喺一個小時內完成，真正做到即買即送。不過淘寶仲未公布測試之後，無人機送貨會幾時推出，但多達四百五十名嘅試驗用戶，喺現階段規模已經唔算細。不過內地有分析話，內地無人機法規仲有唔少需要完善嘅地方，淘寶要全面透過無人機送貨，相信要多方面配合。