長沙灣：店舖擺貨阻街危害途人
「嗰間舖成日都擺啲嘢出嚟，擺嘅仲要唔係普通貨，又有鐵框又有木板，我日日湊住兩個仔女行過呢度，啲細路仔跑跑跳跳喝都喝唔住，好驚會出事，一撞落去頭都穿！」陳太指長沙灣元州街有店舖在行人路上擺放貨物，擔心影響行人安全。
元州街有店舖將鐵框及木板擺放行人路，有途人擔心引致意外。
食環署發言人表示，接獲轉介後派員巡查，發現有店舖將少量貨物放於行人路，職員已警告店舖負責人，切勿在行人路上擺放貨物，造成阻塞或妨礙清掃工作。發言人又指過去一年並未接獲相關投訴，強調會繼續留意上址的情況及採取適當行動。
陳太希望有關部門繼續跟進，亦希望店舖為途人着想，自律收回貨物。「我都係驚會出事先至投訴，唔係淨係為咗我對仔女，邊個整親都唔好！」
