政壇：賀歲煙花 喜氣羊羊
近年嘅賀歲煙花匯演都係由親中社團贊助居多，今年就由理文造紙有限公司贊助，無獨有偶，原來十年前嘅二○○五年賀歲煙花匯演亦係由佢哋贊助，據聞理文造紙唔係因公司成立「逢五逢十」先贊助，而係諗住過咗十年，不如再贊助一次，因此同政府一拍即合。
李文斌預告今年煙花匯演會播放本地歌星為人熟悉嘅歌曲。（資料圖片）
理文造紙十年前贊助賀歲煙花用咗四百八十萬元，首席執行官Edmond李文斌話，今年預算贊助要用六百萬至七百萬左右，而因應新一年係羊年，會有好多「羊」字，希望大家都喜氣羊羊。
身為「80後」嘅Edmond又預告今次九幕煙花之中，其中八幕都會播放佢嘅年代、本地歌星為人熟悉嘅歌曲，等大家都可以有所共鳴，仲可以唱埋一份喎。
