馬會職員座駕避車剷地盤

【本報訊】馬會賽事秘書座駕避車失控，剷上行人路直插圍板。昨午二時許，馬會賽事秘書鄭育強（五十九歲）駕駛白色私家車朝香港仔方向行駛。當私家車上斜途經鴨脷洲利枝道一百三十八號時，疑對面線一輛落斜貨車駛得太貼，鄭扭軚閃避，但又恐撞及左邊路邊消防栓，於是再急轉，結果疑「左避右避」下失控，剷上行人路，撞向消防栓，左前車門外層鐵板被削爛後，再直剷入鴨脷洲中心地盤，車頭插入圍板。一名正在地盤旁等候的士的姓黎女子（四十一歲）被私家車撞傷，送院救治，情況穩定。鄭無受傷，在現場接受酒精呼氣測試，證實無超標。