香港國際機場一間用作隔離懷疑感染傳染病旅客的負壓房,原來竟是嬰兒室,有市民就擔心,隔離病人後嬰兒室會留有惡菌,增加母親及嬰兒染上惡疾的風險,一齊睇吓機管局行政總裁福福有咩解釋。

市民:一室兩用,仲有咩好解釋?

福福:間房有負壓隔離抽風系統,有需要嗰陣,就用作隔離室!

市民:慢一留低病菌喺房,母親同嬰兒好易染病,你哋有冇諗過?

福福:會徹底消毒o架嘛,不過我哋知錯啦,以後會變做隔離室,放心啦!

市民:唉,後知後覺……

福福:向好方面諗,好過連鑊都唔補吖,係咪!

市民:鑊都唔補,成班母親都打鑊你呀,咁牙煙!

福福:唔好再講啦,靜靜雞咁丟淡件事,當無事發生囉!

市民:**&&@#!!!!

第一手消息請下載on.cc東網iPhone/iPad/Android/Windows Phone Apps