SUN搞作:SUN官場現形記:殘民自肥
議員減工時,激起民憤,有記者問及建掣、飯民表示支持建議嘅tree根及灼人,佢哋各有解釋。
記者︰你哋做法咁縮骨,似乎有啲對唔住投你哋一票嘅市民。
tree根︰唏!咁做都係為咗大家,你知我哋好多酒會要出席,減工時咪可以去多啲,同上面打好關係。
灼人︰我都係為咗市民,太多嘢要遊行抗議,減工時咪可以抗議多啲。
記者︰既然咁偉大,點解唔諮詢市民先呢?
tree根︰……咁做係為咗增加效率。
記者︰哦,咁有個建議都應該即刻實行。
灼人︰係乜嘢建議呢?
記者︰梗係減你哋人工!做少咗嘢減人工都好合理,學你哋話齋,為咗增加效率,甚至應該唔使表決啦!