已故全國政協副主席霍英東長房三子霍震宇係愛茶之人,早幾日傍晚七點幾,霍震宇現身中環ifc商場,既睇茶葉,又睇茶具,隨身仲拎住個暖水壺,選購茶葉之外,又見佢行入一間個人護理產品連鎖店,仲踎低仔細研究維他命丸,真係養生有道呀。

霍震宇右手暖水壺、左手茶葉滿載而歸。

霍震宇喺中式茶莊時左揀右揀,似乎比較緊唔同口味嘅茶葉,之後又試用茶具。睇完一輪,震宇好爽手咁買咗一大袋心頭好離去,究竟買咗乜茶葉呢?佢透露買咗唔少烏龍茶葉,但唔係獨自享用,而係送畀朋友,因為平時都有買茶葉送畀朋友,唔一定係過年嘅禮物。至於佢自己,就乜嘢茶都鍾意飲,唔揀擇喎!之後佢又去咗個人護理產品連鎖店睇保健產品,不過,今次似乎揀唔到啱心水嘅,約五分鐘後就離開咗。

第一手消息請下載on.cc東網iPhone/iPad/Android/Windows Phone Apps