人質豪言「人生總要死一次」
【本報訊】「尋晚諗住落嚟消夜啫，點知搞成咁！」一度淪為人質的溫耀華，本有溫馨家庭，惟與泰籍妻子婚姻亮紅燈，愛女又遠赴泰國讀書。他雖然有居所，但住得不開心時，便會落街到英皇道近糖水道的行人天橋找露宿朋友聊天玩樂，過去兩日亦在上址歇腳，「住喺屋企唔開心，間唔中探下啲朋友，歇下啫，冇瞓。」詎料昨凌晨在露宿床位與朋友玩紙牌時，突然被另一名露宿者持刀挾持，他嚇得目瞪口呆，事後仍心有餘悸，惟稱：「有咩驚呀！人生總要死一次！」
被挾持的人質溫耀華（左）右手手指受傷，送院治理。
北角
糖水道行人天橋放滿雜物及家具。
事發時正玩啤牌
溫耀華與被捕男子同名為「阿華」，相識兩個月，是「普通朋友」，甚少交談。事發時，他與朋友玩紙牌，突然見阿華「摷身份證摷到亂晒龍，喺度走來走去，摷唔到，喺度（溫的床上）攞把刀，都唔知邊個嘅，就箍咗我出去。」當時有大批警員包圍他們，「驚都冇計呀！我唔敢出聲呀！畀佢拉咗落去呆咗啦！佢攞住把刀呀！」
其後溫被拖至新都城大廈對開英皇道，「阿Sir勸佢返入行人路，勸佢放低把刀，勸咗幾個字，最後阿Sir拔槍，叫佢放低把刀，佢真係放低把刀，成班人衝埋去，佢冇得反抗。」溫無被刀割傷，但右手手指擦傷，送院治理後前往錄口供，至清晨五時才返回天橋休息。
