SUN搞作：SUN官場現形記：何不搬竇？
運輸署署長茵茵去調景嶺做嘢，一到埗就畀市民攔截，茵茵大嚇一驚，冷靜過來先回答市民嘅說話。
市民：你逼人犯法！
茵茵：先生，你小心啲講嘢好喎！
市民：咁係呀嘛，你望吓嗰邊……
茵茵：有啲咩嘢啫……咦，啲車泊晒喺路邊嘅？
市民：你見到啦！呢區根本唔夠車位，連私人屋苑嘅車位都租唔到，咁唔係逼人犯法係咩？
茵茵：哦……咁你搵定車位先買車嘛！
市民：傻的嘛，仲想卸膊落我哋度？快啲加車位做嘢啦！
茵茵：不如咁，將架車泊去隔籬區嘅車位，係麻煩少少，總好過冇吖！
市民：#@!!*&^%%!!!
