政壇：發叔生日大晒懶理響鐘

梁美芬、梁君彥、林健鋒、盧偉國、張華峰等黨友齊集七樓，為發叔準備蛋糕、燒米餅等，諗住為佢慶祝七十九歲生日。發叔遠道由屯門出城姍姍來遲，期間一樓會議廳更有議員要求響鐘點開會法定人數，但眾人似乎無懼流會，仲話「發叔生日大晒」，切埋蛋糕先肯走。

根據網上資料，發叔理應十月生日，何解一月先慶祝？問發叔究竟幾時生日，點知佢都一頭霧水，仲話新界人有好多個「生日」，出世、改名甚至結婚都屬於生日，就連乳名、學名都有仔細分類，認真講究，難怪佢唔知慶祝乜嘢生日喇，林健鋒亦隨即打圓場話唔使問喇，「發叔二十一歲咋」。