石硤尾：菜檔霸道無體恤輪椅客

居於石硤尾邨的葉小姐指出，南昌街巴域街交界常有店舖於行人路擺放貨物，嚴重阻塞通道。「我媽媽年紀大又要坐輪椅，但就堅持日日落街買餸，點知個菜檔成日擺晒啲貨出行人路，一遇啱多人買餸媽媽部輪椅就過唔到。我希望啲舖頭可以讓番條路出嚟，擺番啲貨入去，條行人路其實好闊夠好多人行。」

經食環署職員警告後，店舖負責人已移走阻塞街道物品。

食環署發言人指出，接獲轉介後派員巡查，發現有店舖將少量物品放於舖外，但未造成阻礙，經當局警告後，店舖負責人已移走有關物品。發言人又說，過去一年共接獲兩宗相關投訴。

「話就話冇阻塞，要行都實行到，但係輪椅又點過到呢？我覺得食環署同間舖都冇顧及我媽媽感受同需要。」葉小姐不滿部門未有體恤行動不便者的需要。