「差唔多成個平台都僭建咗,我日日行過都見到,屋宇署負責睇僭建,點解咁多年都睇唔到?」北角居民周先生指出,區內僭建物數量甚多,儼如為社區埋下計時炸彈,和富道更有大廈平台僭建鐵皮屋多年,屋宇署卻一直未有取締,擔心危及公眾安全。

僭建物遲遲未被取締,市民要求屋宇署檢討執法效率。

屋宇署發言人證實,該署早已將有關僭建物紀錄在案,曾按當時執法政策及《建築物條例》向有關業主發出警告,並已註冊在土地註冊處的業權紀錄上(俗稱釘契),直至僭建物清拆後方作註銷。發言人又說,該署將按現時執法政策,按序透過大規模行動發出清拆令,要求有關業主一併清拆僭建物。

周先生不滿屋宇署執法緩慢,要求加快檢控流程,確保建築物結構安全,「釘完契都係咁即係冇阻嚇力啦,但又唔出清拆令,啲人咪繼續當屋宇署冇到囉。」

第一手消息請下載on.cc東網iPhone/iPad/Android/Windows Phone Apps