仲有兩個幾禮拜就到情人節,咁啱喺一個護膚品牌活動,見到周國豐太太Jenny周黃泳霖,梗係捉住佢問吓點慶祝喇,點知佢話仲未決定情人節點過喎,仲話留待老公到時畀驚喜佢:「可能會去日本。但唔帶小朋友去嘞,情人節想兩個過,因為最近日圓又跌咗,加上聽聞有一個好出名嘅廚師會去日本一個月,係好難先可以喺嗰間西餐廳Book到位。」

周國豐太太周黃泳霖話,可能同老公去日本過情人節。

Jenny:老公禮物勁有心思

老公喺過往嘅情人節係咪都會炮製驚喜?Jenny甜絲絲話:「盡量都有,下廚同送花,去吓啲特別嘅地方。送乜嘢禮物就要問老公嘞,佢有時會好有心思,送珠鏈個鏈扣有刻咗我英文縮寫。」咁Jenny又有冇計劃送禮物?佢話:「老公對於衣着,好知自己係乜嘢Style,好難買到畀佢。」

第一手消息請下載on.cc東網iPhone/iPad/Android/Windows Phone Apps