退休保障推行遙遙無期，議員齊轟政府無承擔，李衞決定向勞福局局長宗宗問個清楚明白。
李衞︰退保搞咁耐，點解都仲係毫無寸進，係咪得個講字？
宗宗︰點會呢，我哋已經預留咗五百億。
李衞︰咁仲衰，唔係得個講，而係舊錢得個擺字。
宗宗︰……我哋已經準備做諮詢，有做嘢嘅。
李衞︰研究之後就諮詢，跟住呢，係咪會有實際工作？
宗宗︰當然有！
李衞︰咁係咩？你要講出嚟先得。
宗宗︰跟住咪再研究個諮詢，然後再就呢個諮詢嘅研究進行諮詢。
李衞︰@##$$$%%%
