政壇：上商摩根軍火庫開研討

近排參加咗幾間證券商今年嘅投資展望會，大多喺大家耳熟能詳嘅酒店舉行，但上商同摩根資管今次就別出心裁，喺有「小香港」之稱嘅壽臣山軍火庫舉辦投資展望研討酒會，令眾嘉賓喺品嘗美酒佳餚之餘亦可「一飽眼福」。

喺「小香港」搞投資展望酒會，邊嘗美酒佳餚之餘，亦得以「一飽眼福」。

耗逾三千萬元改建

「小香港」位於壽臣山深水灣徑，於上世紀三十年代末由英國皇家工程師興建，作儲存軍火同武器之用，戰後曾作為香港警隊駕駛學校，○三年被改建為酒窖同私人會所，耗資逾三千萬港元。依家嘅「小香港」，完全冇晒戰時痕迹，喺郁郁葱葱嘅樹木環繞之下，已成為有錢有品味之人周末假期嘅休閒好去處。