依家輪候公屋條龍長到不得了,政府起公屋又起唔切,申訴專員公署仲揭發房屋署同房協縱容租戶濫用公屋資源,導致公屋出現雙重戶籍,最離譜嘅個案係一個家庭霸三個公屋單位。

梁國雄將立法會薪津捐晒去社民連,自己就繼續租住廉價公屋惹市民不滿。(資料圖片)

議員薪津月逾十萬

呢件事固然觸動咗市民嘅神經,亦令人聯想起公屋富戶問題,尋日就有讀者翻舊帳不滿立法會議員「長毛」梁國雄長霸公屋仲大條道理。長毛嘅立法會薪津每月逾十萬元,但佢唔租住私樓,反而將啲錢捐晒去社民連,自己就繼續租住廉價公屋,變相要用納稅人金錢補貼佢同社民連。現時香港房屋供應咁緊張,長毛嘅做法難免令人睇唔過眼,房署政策搞到立立亂,睇嚟都要加以整頓吓喇!

第一手消息請下載on.cc東網iPhone/iPad/Android/Windows Phone Apps