新民黨尋晚舉行四周年黨慶，政商界猛人齊到賀。新民黨主席葉劉淑儀喜上眉梢，急不及待宣布「嫁女」，原來黨內三名區議員今年成家立室。葉太仲特別同據聞仲係鑽石王老五嘅律政司司長袁國強（Rimsky）講，今年新民黨紅鸞星動，Rimsky出席多幾餐喜宴，分分鐘今年婚事有着落喎！Rimsky聞言即刻笑答「承你貴言」，仲話第日佢請飲一定預葉太添！

見到政制及內地事務局局長譚志源（Raymond）身形又脹咗一個碼，Raymond坦言因為經常「食住先」煮到埋嚟就食，體重已經突破二百磅關口。不過第二輪諮詢好戲在後頭，相信Raymond嘅減肥大計仍然遙遙無期。同樣體重「升呢」嘅Rimsky就話，自己工作壓力經已好大，唔好再向佢施加減肥壓力咁話！

第一手消息請下載on.cc東網iPhone/iPad/Android/Windows Phone Apps