二三十年前香港啲公仔箱明星不知幾吃香，電視劇集亦賣個滿堂紅，唔知係我哋退步定人哋進步，依家啲o靚仔o靚妹九成九都係追捧泡菜仔泡菜妹，連我哋啲編輯記者都迷晒落去，藥力咪話唔驚人。

「阿虫，我啱啱追完套韓劇，講個女記者無視真相害死人一家嗰套呀，我終於醒覺，我哋每日創作嘅新聞係一把幾咁鋒利嘅刀……」唔係嘛，肥佬黎都追韓劇？不過睇佢語氣，似乎係對自己造假作新聞有所反省，唔通良心未泯？如果係咁，我少膽虫以後就唔使同淫賤黎繼續作孽，留低千古罵名喇。

「既然我哋揸住把咁鋒利嘅刀，就要日日大開殺戒，將銷量建築喺別人嘅冤屈之上，總之作得就作，血流成河就最吸睛！」肥佬黎好happy咁走咗去，果然，本虫活到今時今日，都係太simple太naive。

第一手消息請下載on.cc東網iPhone/iPad/Android/Windows Phone Apps