環境局局長星星途經維港，見到有位市民起勢咁咳，星星於是上前關心吓市民，睇吓有咩幫到佢，點知畀市民怒插。

星星：呢位市民，你戴晒口罩又着咁多衫，病就去睇醫生啦，仲喺條街吹風。

市民：咪傻啦，我都冇病！

星星：我聽到你咳o架，唔好死撐。

市民：仲好講，一日最衰都係你！

星星：又關我事？醫學嘅嘢我唔多識o架喎。

市民：你睇吓個天，灰蒙蒙，空氣污染咁嚴重，唔戴定個口罩出街點得呀？吸咁多「廢氣」死得啦！

星星：哦……所以咪叫你睇醫生囉，既然空氣難改善，睇定醫生打底仲work！

市民：咁你又唔做嘢？*&@!@#^&!!

第一手消息請下載on.cc東網iPhone/iPad/Android/Windows Phone Apps