香港郵政過去兩年度累蝕逾億元，但係唔單止未有改善服務增加收入，反而諗埋啲縮數，想出另類「Cut鐘」大計，其中五十九間郵局下月二日起營業時間縮短半個鐘至一個鐘，下午四點半關門大吉，打工仔放工後無法再使用郵局服務，有立法會議員鬧爆佢哋罔顧社會需要，郵政只會愈做愈縮。其實，審計署曾經批評過郵政經營不善要改革，但佢哋就當耳邊風，依家署長丁葉燕薇仲咁不思進取，隨時又畀審計署追殺，今次實冇得抵賴。
