施政報告提到劏房安全風險不容忽視，特別係工廈劏房，屋宇署即高調「配合」，指最快今年三月會安排承建商清拆荃灣兩個違規劏房單位，反應之快使市民另眼相看。但係，工廈劏房問題依家已經非常嚴重，而呢兩個單位至今未拆，亦源於屋宇署過往執法不嚴，罰則過輕，令違規情況一拖再拖，唔該屋宇署署長許少偉真係要抓緊啲，咪再唔踢唔郁。
