嗱嗱嗱，老實講，唔係本虫扮老正叫大家讀多啲書，之不過呢，大家花時間啃過《三國演義》，更加要睇埋淫賤黎擔綱嘅「捉放淫」，相信感受會更加深。

淫賤黎傾力演出呢場預約被捕嘅大龍鳳，雖然最終都係以拒保屎橋暫時脫身，橋段雖舊，不過就令我諗起三國陳宮呢個悲劇人物。咪係囉，一時心慈手軟，冇將曹操正法，仲要押上仕途放咗佢為禍蒼生，最終呢？陳宮咪死喺曹操手囉，夠警惕未？

好，唔講陳宮，講吓呂伯奢吖。一念之仁窩藏罪犯，畀曹操捅幾刀死不瞑目不特止，仲要全家「埋單」。所以話，咪以為好人唔怕做，有親又點？搭埋一條船又點？反起面上嚟，話隊你就隊你啦，幾時會客氣。

第一手消息請下載on.cc東網iPhone/iPad/Android/Windows Phone Apps