SUN搞作:SUN官場現形記:慳皮大計
香港郵政過去兩個年度勁蝕,近日推出「cut鐘」大計,部分郵局營業時間縮短半小時至一小時,市民怒斥此舉罔顧社會需要,咁署長薇薇仲有咩好解釋?
市民︰予人不便,罪大惡極呀!
薇薇︰唔好咁勞氣,其實咁樣做有助提升我哋嘅營運效率,善用資源!
市民︰我淨係知我放工,郵局都閂咗門!
薇薇︰依家資訊咁發達,唔係下下都要寄嘢嘅。
市民︰少咗人寄啫,但大家都仲有需要。
薇薇︰將就吓啦,趁食晏去郵局都得o架!
市民︰咁咪又係麻煩,要我特登撲嚟撲去!
薇薇︰政策就係咁行!
市民︰我話將你個位都cut埋就最啱嘞!