政壇：短期紓龕位 高永文冇計
骨灰龕位緊張，政府擬喺各區興建骨灰龕場，食物及衞生局局長高永文尋日到立法會匯報進度，佢承認十八區興建骨灰龕場嘅進度緩慢，但唔係無進展，其中屯門區議會大部分委員都支持喺曾咀興建骨灰龕場，而北區沙嶺同柴灣興建骨灰龕場嘅計劃亦得到區議會支持。佢又話沙嶺嘅骨灰龕場規模大，如果順利獲立法會通過撥款，如期施工及落成，最快喺二○二二年推出，紓緩骨灰龕位短缺嘅情況。
高永文
高永文話區議會較關注交通配套問題，相信要配合其他政策局，特別係運輸及房屋局一同展開工作，以確保交通配套能應付新建骨灰龕場帶來嘅人流，未來會繼續聆聽各區訴求。
至於幾時先可以紓緩骨灰龕短缺嘅情況？佢都好坦白，表示即使沙嶺落實興建骨灰龕場，仍然要十幾年時間，先可以完全解決每年四萬多個骨灰龕位嘅需求。至於環保殯葬尚處於推動初期，佢認為市民接受程度唔高，當局會改善環保殯葬方式，加強宣傳喎。
