SUN搞作:SUN官場現形記:另類運動
房屋署署長康康經過屋邨門口,就畀位伯伯攔截,仲破口大罵康康,一齊睇吓發生乜事。
伯伯:你冇良心o架,老人家都虐待!
康康:喂,伯伯,我哋三唔識七,你唔好亂噏喎。
伯伯:肯肯定係你,我唔會識錯人!
康康:唔係啩,你睇真啲啦。
伯伯:我幢樓部升降機整咗三年都未整好,「輪流維修」搞到日日排長龍,有時仲要焗行樓梯返屋企,你話係咪關你事喇!
康康:哦,等部升降機整好咪唔使再行樓梯!
伯伯:幾時呀?都等咗三年。
康康:其實行多啲樓梯都唔係唔好吖,當做吓運動,練吓腳骨力!
伯伯:都話你虐待o架啦!