自從「玩具大王」蔡志明嘅兒子Karson蔡加讚升呢做爸爸後，生活作息改變唔少。早前佢出席一個活動時透露，為咗陪伴幾個月大嘅BB女，佢推咗近八成嘅活動同應酬，連佢至愛嘅跑車都擺埋一邊添！

蔡加讚對「前事不忘，後事之師」墨寶感受深。

Karson話囡囡正係開始認得人嘅時候，如果經常早出晚歸嘅話，擔心小朋友唔認得佢，所以唔係必要嘅應酬都盡量唔出席，日日一做完嘢就立即返去陪囡囡。仲有呀，Karson一向好鍾意跑車，但係佢竟然賣咗唔少收藏，只剩下少量限量版靚車，仲係擺埋一邊。

Karson做咗爸爸之後，連生活模式都唔同晒，變成住家男人，相信最開心係佢太太汪圓圓喇！佢仲透露近排開始學習書法，當日活動上見到一對「前事不忘，後事之師」墨寶感受好深，盼港人要多啲學習歷史，多啲了解內地喎。

第一手消息請下載on.cc東網iPhone/iPad/Android/Windows Phone Apps